REMEMBER @ FELLINI 1.12.07 am Bodensee

[Aran]

ostschwitz isch super... do isch de weg nöd so wiit, drum lohnt sichs schnell mol

[vakuum]

najaaa i wär nid mal 5 minute gloffe wenni vo afang aa gwüsst hett wies wird.. so schnell lohnt sich das need...

[swissclubber]

jojo übertriibe wämmers jo nun mol nööd, säg jo au dass paar sache nöd so gloffe sind wies hetted sölle, aber fakt isch dass vieli dä alasss mega geil gfunde hend (und zwor gueti lüt!).
ä chli toleranz wär jo scho nöd übel es wird bald ufgrund vo dä nochfrog, einiges laufe i dä ost-ch

-> 1. Remember Techno & Hardtrance 1993 -1998 Thurgau ca. April/Mai 08
-> 2. Hardcore & Gabber; Aktuelles und zusätzlich Oldschool 1993-1995 ca. März 08 St. Gallen

[Kov]

ä chli toleranz

Meitlihippiseich

[Darrien]

hach ja. s'isch halt scho luschtig, öppädiä mal wider mal da im forum vobiizluegä. dä wird ä party posted, wo dä flyer eigentlich genau das verspricht, was da ständig propagiert wird (nämlich dä geilschti sound us plus-minus 93-96) und trotzdem wird grad mal voll über d'party abätaa. isch mer au gliich, wiä d'party schlussändlich usächoo isch, aber es zeigt halt eifach, das mer da aachündä chan, was mer will unds trotzdem erschmal für schrott erchlärt wird, will's halt eifach nöd s'eigene isch.

guet, d'party isch dänn anschiinend würkli nöd so usächoo, wiä's planed gsii isch, aber falls sich's iirichtä laat, wirdi bim nögschtä mal au vobiiluegä, will us fähler lernt mer ja und ganz äso katastrophal chas ja jetz bim erschtä mal au nöd gsii sii. da bini no dankbar um d'review vom aran, will das züüg wo dä jungbrötler vakuum da alles usälaa hät vo wägä szene, altä sound, raver etc, aber nöd mal weiss, wiä populär früener adidas-streifähörnli a dä raves gsii sind, isch ja wohl würkli nümm ernscht znää

interessant au, das so vill a dä chleidig vo dä lüüt uufghänkt wird. händer öppä s'gfüühl, ich würd mer jetz für en remember-party extra go orangi strassebauer-hosä, lüüchtweschtä und buffs go chaufä? ich gang döt dänk genau so anä, wieni au susch i'd clubs gang. mischig us club- und boarderstil. und einä wo jetzt halt mittlerwiili mit 30i irgendwo als filialleiter schaffed hät mittlerwiili villicht au chli anderi aasprüch an uusgang, zieht au lieber was ziitgemässes aa und hät au käs problem dämit, halt chli stutz für es getränk anäzleggä. woni am 23stä i dä waebibar gsii bin unds mer s'bier für 3 stutz gä händ, hani freiwillig immer uf dä 5er ufgrunded, willis sympathisch gfundä han. däbi hetti's als dj sogar gratis überchoo.

diä engstirnigkeit, verbohrtheit und voriignooheit bi gwüssnä lüüt da erschreckt mich eifach immer wider. passt überhaupt nöd zu dämm sound, wo da eigentlich i d'höchi ghaltä wird. liit aber villicht au dadraa, das gwüssi lüüt dä sound ebä gar niä würkli gläbt bzw erläbt händ. villicht aber au nöd. drum nomal äs komplimänt an aran dadäfür, daser zwar dütlichi kritik üebt, aber dadäbii halt wenigschtens no am bodä bliibt und sich nöd dämm verbortä mischt hiigit, wo da susch so ablauft.

eigentlich chönnted ir s'timetravelers forum langsam mal umbenännä. "elitäres ozon-forum" oder so wär doch no was. alles anderä isch ja eh für nüüt.

[vakuum]

ou darrien.... du mischisch dich scho i jedem forum wos gid i jedes thema ii... au wennt nid mal e ahnig häsch um was es gaht....

du meinsch du sigsch de gröschti i allem hä? "ich de steven gott"

spar der dini komentär dezue wennt nid gsi bisch....

ich han die Party da nie im vorus kritisiert..... meinsch suscht wäri verbi gange?....


ozon forum? nur wil mier eusi parties da inne aachünded??
wenn 98% vo de hüttige remember DJs nid fähig sind alte sound zspiele isch das ja nöd euses Problem....

[swissclubber]

Muaaaha soo geil Darrien!

Zu minere Verteidigung, es isch jo nöd ämol min Fehler gsi, dass en Typ cho isch und ufzmol oldschool-tribalhouse 40min gspielt hät. Aber dorganisation hät drus glernt.

wür mi natürli freue wennd einisch debii bisch

[rucki]

miner meinig na erübrigt sich en kommentar zum darrien. ich han mer mini meinig über ihm bildet, resp. umbildet. ebbeso zu sine posts. mir isch das eifach z blöd. guet nacht.

@ Darrien: Damit die ganzi Situation verstahsch, muesch alles da ine duregläse ha, und vorallem au no es paar Sache miterläbt ha. Aber da bin ich zu 100% sicher, das du mindestens eis vo dene beide Kriterie nüd erfüllsch!

[rucki]

Muaaaha soo geil Darrien!

Zu minere Verteidigung, es isch jo nöd ämol min Fehler gsi, dass en Typ cho isch und ufzmol oldschool-tribalhouse 40min gspielt hät. Aber dorganisation hät drus glernt.

wür mi natürli freue wennd einisch debii bisch

Bevor gross Muahmuah vo dir chunnt, liebe Swissclubber, söttsch mal zerscht dini Versprächige was nächschts Jahr abelangt durehebbe. Dänn chömmer gern nomal drüber rede.

[trilobyte]

toller post darrien, kein plan um was es geht und gross rumhupen!

die die hier sonst was dazu geschrieben haben waren immerhin alle dagewesen...

[Aran]

isch halt scho so, dass t lüt do im forum sound vo 90-max96 erwartet (was jo au nöd falsch isch, denn so isch das forum au usgrichtet). wenn denn halt tracks noch dene johre lauft, oder gar e anderi stillrichtig gspielt wird, wirds schwierig mit dere party de nerv z treffe..

aber t "fehler" sind jo vom veranstalter erkannt worde, drum bi i mol ganz zueversichtlich gstimmt, dass es nöchscht mol besser wird usä cho.

ach ja: ich hatte übrigens auch mühe unsere erste party schmakhaft zu machen. Vakuum war auch nicht sonderlich zuversichtlich, dass wir das hinkriegen (siehe altes forum) .
trotzdem war sie schlussendlich gelungen (mind. das 2mal) und dann kam auch das lob..

[Top Buzz]

Möcht mich nid gross ihmische aber das mite Raver Adidas-Bechleidig isch ja paar mal ahgsproche worde. Da es Foto vode Odyssey 2 1994 ufem Usseplatz vom Gugelmann



uf jedem 2e Foto vo denn gseht mer so öpper mit Adidasstreiffe hehe wie sich d Zyyte ändere

[Kov]

ales böösi cheibe mümümü

Mach di mal übr t'Bedüütig vom Wort "Ironie" schlau.

[swissclubber]

die die hier sonst was dazu geschrieben haben waren immerhin alle dagewesen...

hmm aber das stimmt nöd ganz, z.B. kov und rucki sind nöd debi gsi und hend au ihren kommentar ge..

[swissclubber]

Möcht mich nid gross ihmische aber das mite Raver Adidas-Bechleidig isch ja paar mal ahgsproche worde. Da es Foto vode Odyssey 2 1994 ufem Usseplatz vom Gugelmann

uf jedem 2e Foto vo denn gseht mer so öpper mit Adidasstreiffe hehe wie sich d Zyyte ändere

Das mit Mode und Adidas-Streifen;

Techno und Mode

Die Szene bevorzugt freizügige Kleidung: Ob schwarze Hotpants mit knappen BHs, durchsichtige Blusen oder silberne Anzüge – es ist alles erlaubt was gefällt. Die Techno-Mode kennt keine Grenzen.
Im allgemeinen lassen sich die Raver nicht in ein bestimmtes Modeschema zwängen. Sie entscheiden ganz alleine, was getragen wird und lassen sich selbst wieder Verrücktes einfallen. Werbung spielt für sie meist keine Rolle;
bestes Beispiel: die weltberühmte Drei-Streifen-Kollektion von Adidas wurde durch die Celebration Generation wieder neu entdeckt, obwohl eigentlich keiner so genau weiss wer die Drei Streifen in die Szene getragen hat.
Second-Hand Läden hatten Hochkonjunktur weil die original alten Trainingsanzüge begehrter denn nie waren.
Adidas roch das grosse Geschäft und produzierte neu entworfene Techno-Mode. Minikleider ,lange Röcke, bauchfreie T-Shirts in allen Variationen war es die begehrte Sportbekleidung mit den drei Streifen.

http://www.u4u.biz/u4u/wbb2/jgs_db.php? ... 1434426a41