Sueche CD's

[X-Tribe]

Zärsch mal ä guets Neus eu allne.

Ich wettmer gern mal ä Platte prässe lah mit Tracks wos nöd git uf Vinyl.
Hätt irgendöpper na d' Thunderdome 5,8 und 9 sowie Trance Nation 6 und 7 dihei und chönt mir äs Lied dävo schicke. Wär super.

[Kov]

CD's hani nööd abr en Tip:

Es wiirt u.U. ganz übl tööne bzw. gaar nöd schniidbaar sii uf Vinyl wänn äfach soo t CD-Versioon ninnsch. Musch umbedingt luege dass undr 400Hz gliichphaasig bisch (wänn nööd flüüg tr t Naadle nus te Rille bzw. Platte mus liislig gschnitte weerde) und beschtimmti Frequänzbändr um di 8 kHz appsäncksch (wänn nööd häsch sogenannti Rotzeffäckt, Crashes und Hihats tööned as ob öpper wüür Nüusse).

[X-Tribe]

Vile Dank für dä Tip. Han die Lieder woni wot, mal abeglade innere Quali woni einigermase Okay finde. Sölli die ächt na übers Mischpult laufe lah zum chli uspegle. Wär das ächt nachane ä Quali woni chan ischicke?

[Kov]

Fas Ti dis Mischpult folgendes mache laat, sezz gaa:

- alles undr 400Hz mono schalte
- bi 8kHz e ca Q5 breiti -4db Tüele ninehaue.
- En -2db hi shelf bi 10kHz.

Zuesäzzlich wüüri no de Peaklevel uf max -6dbFS sezze. Und minimum 44Khz/16bit Waves vwände.

Das sind ez alles quick & dirty-Aagabe.





Vinyl isch es Format wo sowohl bim ufnee as ä bim appschpille huere vill Mechaanick un t Schweerchraft e Rolle schpilled. Mr mus en Mix räch pfbüüge demit r uf Vinyl aaschtändig töönt.

[Aran]

han vom ganze kei ahnig drum vllt e doofi frog:

wenn i als Künstler es lied mache (ob Techno, hiphop oder rock spielt kei rolle) wird di "fertig Version" jo öpis digitals sieh oder? i dere digitale Version wird wohl nüt abgschnitte oder mono gschalte oder?

i denk mir nume, dass jo denn e plattefirma immer vor some "Problem" stoht. sprich sie bechömed e digitals Format und mönd devo e platte mache (wo im optimalschte fall jo gnau so sötti töne wie s digitale original). wem dem so wäre, hend doch die plattefirmene sicher di entsprechende Tools, damits halt ebe nöd kacke tönt, oder lieg i do falsch?

[trilobyte]

Zärsch mal ä guets Neus eu allne.

Ich wettmer gern mal ä Platte prässe lah mit Tracks wos nöd git uf Vinyl.
Hätt irgendöpper na d' Thunderdome 5,8 und 9 sowie Trance Nation 6 und 7 dihei und chönt mir äs Lied dävo schicke. Wär super.

thunderdome weiss ich nicht mehr auswendig. trancenation 6 und 7 hab ich.
sag was du brauchst. kann dir die tracks als wave schicken

gruss
siegi

[X-Tribe]

Het au dänkt dass das am Platteprässer sini Sach sött sih. Dä müssts ja wüsse. Tracks wäred folgendi:
D.O.N.S. - We Came To Love
D.O.N.S. - Resistance
Section 8 - Punnany (The Prophet Remix) Thunderdome 9
The Clown - Do You Want a Balloon? Thunderdome 8
Chaschmes daane schicke.
X-Tribe@bluewin.ch
1000 Dank

[t-orbital]

thunderdome hätte ich alle. jedoch zur zeit keinen pc zuhause um die tracks zu digitalisieren.....

[Kov]

Het au dänkt dass das am Platteprässer sini Sach sött sih.

De Platteprässr macht gaar nüüt ussrt prässe. Und Prässmatrizzene usm Master wonnr gliferet überchunnt heerschtele. S Master wiir pfom Mastering-Schtudio entweder ine Acetat- odr Chupfr-Dubplate gschnitte. Mittlerwiil schniidez ä diräckt i Vinyl (dasch daas wo niich mache laane un zich fr chliini Uuflage, 1-5 stk, lohnt). Fr under 100 stk schmeisst niemr di ganz Galvanik-Maschinerii aa zum p Matrize heerzschtele.

Im Masteringschtudio chönz nume daas mache wo vhinderet dassene t Schpuele vom Schniickhopf vheizt, wänns ohni vorheerigi Appsprach en fertige Mix überchömed. Schprich si tünd im tüüfe Beriich alles Mono sezze (fas te mix nö temenentschprächen gmacht woorde nisch, gizz de tänn äfach Phasenuuslöschige, sprich de Bass vschwint) und jaged en Deesser über de ganz Mix (obwohlr meischtns nume fr Pecki un te Gsang nöötig gsi wäär). Dänn töön t alles ussr Pecki un te Gsang dumpf. Odr si schickedr de ganz Scheiss zrugg wills nöd schniidbaar isch.

wenn i als Künstler es lied mache (ob Techno, hiphop oder rock spielt kei rolle) wird di "fertig Version" jo öpis digitals sieh oder? i dere digitale Version wird wohl nüt abgschnitte oder mono gschalte oder?

Fas nume uf digitale Formaat veröffentliche wotsch ja. Wobii s mono schalte vo de Bäss empfill zich a daa. S mänschliche Khöör cha under 200Hz ckä Richtig me bschtime, aso töönz natürrlichr. Und im Club sell Passdrum us jeder Box gliich luut usechoo, odr.

i denk mir nume, dass jo denn e plattefirma immer vor some "Problem" stoht. sprich sie bechömed e digitals Format und mönd devo e platte mache (wo im optimalschte fall jo gnau so sötti töne wie s digitale original). wem dem so wäre, hend doch die plattefirmene sicher di entsprechende Tools, damits halt ebe nöd kacke tönt, oder lieg i do falsch?

E Plattefiirma wiirt, je nach Vtraag natüürli, es Masteringschtudio engagiere. Die luege tänn mitm Mix-Schtudio-Technickr und odr em Ckünschtlr die Sach aa (meischtns ckänezesich ee scho). Di letschtere 2 mache tänn en Mix fr di digital und en Mix ft Vinyl-Versioon. S Mastering-Schtudio bringz tänn i di ängültig Foorm f di entprächend Veröffentlichung.


Was no dezuechunnt bi Tracks wommr nö zälbr gmacht hät: Nöd jede Vinyl-Schnitt-Aabüütr wiirt öppis wo Copyright-gschüzzt isch schniide.

Abr langer Rede kurzer Sinn: Schickmr die Waar im .wav-Formaat und ich mach temit wasi mip mine Tracks mache vorm iischicke und ich schickts dänn widr zrugg .

[X-Tribe]

Du bisch dä Bescht. Machi gärn wännis han, oder die nette Lüüt wo die Lieder händ chönds am Kov grad diräkt schicke. Bi nämmli schochli verwirrt vo soviel Zahle und Usdrück. Bi mir isch nach Vinyl und Tape gli färtig mit äm Wüsse.

[X-Tribe]

Wägem Copyright hanen gfröged, seg wie mit CD's. Nöd verchaufe und nöd öffentlich spiele. S' ärschte wirdi chum mache.

[trilobyte]

unter kollegen 2-3 tracks kopieren ist ja nicht strafbar in der schweiz. alles ball flach halten

gruss
siegi

[trilobyte]

so hier sind die 2 tracks der trance nation. thunderdome hab ich nicht.

www.trilobyte.ch/temp/dons.zip

gruss
siegi

[Kov]

unter kollegen 2-3 tracks kopieren ist ja nicht strafbar in der schweiz. alles ball flach halten

gruss
siegi

Chmein nö taas. Chmein das en offizielle Platteschniidservice das villicht nöd mache wott.

[Aran]

unter kollegen 2-3 tracks kopieren ist ja nicht strafbar in der schweiz. alles ball flach halten

gruss
siegi

Chmein nö taas. Chmein das en offizielle Platteschniidservice das villicht nöd mache wott.

danke kov, isch demfall glich einiges komplexer als i mir das vorgstellt han.

seisch hegsch die tracks selber gmacht fallses froget
wie de sigi seit, ball flach halte