Wer schraubt und produziert hier eigentlich?

Lowpass · Beitrag von **Lowpass** » Di 13. Jan 2009, 15:12

Kov hat geschrieben:De grööschti Schnuri da ine bisch du

Das isch definitiv nid wohr. Me findet jo allerlei über Di im Netz - vo Dine DJ-Tätigkeite, wie au vo Dim Engagement als Schlagzüger und notüerlich au vo Dim Job.
Insofärn dänk i chan ich's ganz guet abschätze, wär vo uns dr gross Schnuri isch.

und en Hoseschiisr no dezue. Vrschtecksch ti hindereme Nickname,

Du findsch'es also muetig, wenn me im'ene Internet-Forum sini Identität Priis gitt? Do sin mir halt unterschidlicher Meinig, denn ich find's eifach nur dumm.

erfindisch irgend e suppr Produzänte-nExischtänz,

Han ich das gmacht? Han ich irgendwo irgend öbbis in Sache Releases oder so behauptet?

liferisch ckän einzige Bewiis defüür und proleetisch äfach ächi ume will nüüt musch befüürchte.

Mues ich au nid - denn Du dörfsch glaube was Du willsch und wenn's Di z'fride macht, mi als chleine Hoseschisser z'bezeichne, denn mach das ruhig - es chratzt mi kei Spur.

Ganz im Gägeteil. Wänn öppr da ine Tralala scheisse fint, bin iich das. Bring die Waar. Wänn's öppis taugt bini de eerscht wo mini Meinig revidiert.

1. gön unseri Meinige drüber was no in d'Kategorie Tralala-Trance fallt definitiv usenander und 2. goht mir Dini Meinig eh am Allerwärtischte vrbi.

Es goht au völlig nid drum, was ich gmacht ha und was nid - ich ha mi nur zu Diner Equipment-Lischte güsseret und die isch nunmal eifach e klassischi Poser-Lischte. Tolli Näme wo Laie beidrucke und wenn me sich e chli uskennt weiss me, dass es e völlig sinnlosi und chuum bruuchbari Zämmestellig vo irgendwelche Grät isch. Isch toll wenn me cha sage: Wow, ich cha mini eigene Sounds per Verkablig vo einzelne Synthesizer-Hardware-Modul generiere. Isch super - me mues'es denn nur au tatsächlich mache.

Ha au e Kolleg, wo sich unbedingt e Voll-Analoge het müese chaufe. Het sich denn vorgno, dass är sich intensiv mit Klangerzügig usenandersetzt. Klar. Als würd är sich denn tatsächlich anesetze und sich Zyt nä, vo Grund uf e eigene Sound z'kreiere. Alli rede drfo - und wär macht's? Eine vo 20? Und wenn, denn mit irgendwelcher modärner Hardware und chuum mit Modularsystem wo me keini Sounds cha abspeichere und d'Arbeit jedesmol verlore goht.

Au in de Händ vom'ene Sound-Tüftler macht e A-100 notüerlich nur im Zämmehang mit'eme guete Sampler Sinn - dä fählt aber in dr Lischte, was scho sehr vill usseit.

Lowpass · Beitrag von **Lowpass** » Di 13. Jan 2009, 15:15

vakuum hat geschrieben:chan mi garnid erinnere je scho mal sone stuss gläse zhaa......

Was für e Stuss? Dass e A-100-System für 99% vo allne Produzänte völlig unbruchbar isch? Oder dass dr Raven Schrott isch? Oder was genau meinsch?

t-orbital · Beitrag von **t-orbital** » Di 13. Jan 2009, 15:23

chindsgi

Lowpass · Beitrag von **Lowpass** » Di 13. Jan 2009, 15:34

Nüt gege die andere User... aber dr kov spilt sich zu jedem Thema dermasse uf und markiert immer dr gross Maa, dass'r eifach mol chli Gegewind bruucht.

Kov · Beitrag von **Kov** » Di 13. Jan 2009, 15:38

Lowpass hat geschrieben:Nüt gege die andere User... aber dr kov spilt sich zu jedem Thema dermasse uf und markiert immer dr gross Maa, dass'r eifach mol chli Gegewind bruucht.

Nume das mich im Gägesatz zu Diir di meischte da ine persöönlich ckäned und wüssed wivill das pi minnere groosse Frässi dehindr isch bzw. wi ernscht dases jewiils gmeint isch.

Lowpass · Beitrag von **Lowpass** » Di 13. Jan 2009, 15:42

Kov hat geschrieben:
Lowpass hat geschrieben:Nüt gege die andere User... aber dr kov spilt sich zu jedem Thema dermasse uf und markiert immer dr gross Maa, dass'r eifach mol chli Gegewind bruucht.
Nume das mich im Gägesatz zu Diir di meischte da ine persöönlich ckäned und wüssed wivill das pi minnere groosse Frässi dehindr isch bzw. wi ernscht dases jewiils gmeint isch.

Ach, persönlich kenne heisst überhaupt nüt und gege bestimmti Ussaage würd ich au nie öbbis sage. Aber dä Thread do isch doch bezeichnend: zerscht mol e wohlklingendi Poser-Lischte in Ruum stelle (damit wider alli em kov si Heiligeschiin sehn) und wenn öbber seit, dass das e unbruuchbari Zämmestellig vo Grät isch (was nunmal eifach e so isch), denn wird me beleidigt und es heisst, me heig kei Ahnig.

Bim A-100 bruucht me ewigs zum Sounds programmiere (bzw. verkable), und denn cha me si au nid speichere, dr Jupiter 8 het kei MIDI, dr Raven losst nur Sounds use wo eh keine me höre will, d'Drum Station isch scho lang überholt...
Muesch es jo nid unbedingt als Beleidigung uffasse wenn ich Dir sag, dass das e unbruuchbars Equipment isch. Schliesslich sag ich Dir nur öbbis, wo Du als Expärte eigentlich sowieso scho lang weisch.

t-orbital · Beitrag von **t-orbital** » Di 13. Jan 2009, 15:42

villicht müestisch en mal persönlich känne lerne. mal ane party cho, din sound mal zeige oder suscht was.
so isch ja logisch, das es nieneds anefüehrt.

aber es isch ja nöd mis ding, für anderi z redä.

aussage-interpretation-wirkung

@kov: korrigier mich, wenn i was falsches säge, aber so gsehn ich das.

Kov · Beitrag von **Kov** » Di 13. Jan 2009, 15:48

Lowpass hat geschrieben: Aber dä Thread do isch doch bezeichnend: zerscht mol e wohlklingendi Poser-Lischte in Ruum stelle (damit wider alli em kov si Heiligeschiin sehn)

Ich hat geschrieben:Un zusch no Waar. Chume da nözzo druus, de Gitarischt schda de Scheff.

Lowpass · Beitrag von **Lowpass** » Di 13. Jan 2009, 15:51

Kov hat geschrieben:
Lowpass hat geschrieben: Aber dä Thread do isch doch bezeichnend: zerscht mol e wohlklingendi Poser-Lischte in Ruum stelle (damit wider alli em kov si Heiligeschiin sehn)

Ich hat geschrieben:Un zusch no Waar. Chume da nözzo druus, de Gitarischt schda de Scheff.

Denn verstand ich eigentlich nid, worum Du nach mim erschte Biitrag grad hesch afo ummehässele.

Kov · Beitrag von **Kov** » Di 13. Jan 2009, 15:55

Lowpass hat geschrieben:dass das e unbruuchbars Equipment isch

Ich gläub nöd dases bruuchpaars odr unbruuchpaars Equipment gitt sondern bruuchpaari odr umbruuchpaari User. En taläntierte Siech bringt usere roschtige Garette interesanti Sounds use während anderi mit em tüürschte Nequipment gaar nüüt zschtand bringed.

Kov · Beitrag von **Kov** » Di 13. Jan 2009, 16:17

Lowpass hat geschrieben:
Denn verstand ich eigentlich nid, worum Du nach mim erschte Biitrag grad hesch afo ummehässele.

1. Umehässele gaat andrsch. Han äfach widrschproche.

2. Din Biitraag isch dogmatisch. "Wän iichs odr anderi woni ckäne nöckchönd bruuche, chas niemr". Hät nüüt demit ztue ob iich s chan odr nööd.

3. Du urteilsch ooni s nöötige Backgroundwüsse. Die Waar isch nämmli zwüschet 1995 und 2001 aagschaft woorde. Was fr Emulatoore nachane no usechoo sind, isch somit irelevant.

4. Din Biitraag basiert uf te Aanaam, dasi mi ha wele wichtig mache, debii ischer sälbschtiroonisch gmeint gsii (händ da Waar, mached abr nüüt demit). Hät ä jede ussrt Diir gläb begriffe.

vakuum · Beitrag von **vakuum** » Di 13. Jan 2009, 17:32

Kov hat geschrieben:[Hät ä jede ussrt Diir gläb begriffe.

jawohl und zwar vo de halbe Tonne aa

Lowpass · Beitrag von **Lowpass** » Mi 14. Jan 2009, 10:56

Ach, kov. Bezeichnisch mi als Internet-Fake, als Ahnigslos etc. und behauptisch denn no, dass das öbbis anders isch als ummehässele.

Und bi miner Ussaag blibts. Wär sich das Equipment zämmegstellt het, dä het absolut kei Ahnig kha was är macht.
Klar cha me drmit Musik mache.
Aber wenn de mit em Raven öbbis machsch, denn chasch au grad dr Magix Music Maker nä. Und Musik mache mit'em A-100 goht au - genauso wie me z'Fuess vo Genf nach Züri cha laufe.
Wievill produktivi Produzänte git's wo so e System tatsächlich isetze? Ich kenn grad emol ei einzige und ich glaub nid, dass sich Eure Gitarrischt mit däm cha vergliiche.

Und au mit'eme Jupiter 8 chasch sounde - muesch eifach zerscht emol usefinde, wie me so eine ins Gsamtsystem cha integriere. Nid ganz eifach. Goht aber sicher - muesch eifach gnueg Zyt und Freud an elektronische Baschteleie mitbringe oder vill Gäld für e Umbau usgä.

Aber isch klar - es liggt an mir. Vill anderi chöne mit däm Equipment dr geilscht Sound mache.

Das sin wohrschinlich Arbeitslosi wo z'vill Zyt hän oder Profis, wo de uf irgend e skurrile Art und Wiis drfo hesch chöne überzüge, uf alli Vorzüg vo guetem Equipment z'verzichte und mit'eme wirr zämmegschtellte Setup öbbis z'mache.

Du hesch nur wele chli säbtironisch si - und ich ha nur churz wele Amärke, was das für e Scheiss-Equipment isch. Muesch das jo nid persönlich nä. Ghört jo nid mol dir.

Kov · Beitrag von **Kov** » Mi 14. Jan 2009, 11:18

Lowpass hat geschrieben:Ach, kov. Bezeichnisch mi als Internet-Fake, als Ahnigslos etc. und behauptisch denn no, dass das öbbis anders isch als ummehässele.

Als ahnigslos hani di nienez bezeichnet. De Internetfake isch wäg dim "Ich weiss alles übr diich du abr nüüt übr miich"-Uufträtte. Und em kosequänte Weigere dis Knowhow, wot uuffüersch, z belegge.

Klar cha me drmit Musik mache.

Ebe. Um daas gaaz gläbs amigs pi dem Züüg, odr.

Und Musik mache mit'em A-100 goht au - genauso wie me z'Fuess vo Genf nach Züri cha laufe.

Und wo isch daa s Probleem?

Wievill produktivi Produzänte git's wo so e System tatsächlich isetze?

Mus Musig produktiv sii?

Ich kenn grad emol ei einzige und ich glaub nid, dass sich Eure Gitarrischt mit däm cha vergliiche.

Weisch obr das übrhaupt wott?

Und au mit'eme Jupiter 8 chasch sounde - muesch eifach zerscht emol usefinde, wie me so eine ins Gsamtsystem cha integriere. Nid ganz eifach. Goht aber sicher - muesch eifach gnueg Zyt und Freud an elektronische Baschteleie mitbringe oder vill Gäld für e Umbau usgä.

Wo isch s Problem?

Lowpass · Beitrag von **Lowpass** » Mi 14. Jan 2009, 11:29

Kov hat geschrieben:De Internetfake isch wäg dim "Ich weiss alles übr diich du abr nüüt übr miich"-Uufträtte.

Aha... offesichtlich sehsch Du in d'Zuekunft und hesch uf e Post reagiert, wo gar nonig gschribe gsi isch. Respäkt.

Und em kosequänte Weigere dis Knowhow, wot uuffüersch, z belegge.

Die Gründ wo ich gnennt ha chasch beliebig prüefe - äntwäder an de Grät sälber (schalt mol dr Raven i und loos Dr's a) oder in de Bedienigsaleitige (Abspeichere vo Tön bim A-100, Schnittstelle bim Jupiter 8 ) oder uf beliebige themebezogene Internet-Site.

Und Musik mache mit'em A-100 goht au - genauso wie me z'Fuess vo Genf nach Züri cha laufe.
Und wo isch daa s Probleem?

Zeig mr dä wo das macht.

Mus Musig produktiv sii?

Musik cha nid produktiv si. Dr Musiker aber mues produktiv si damit Musik usechunnt.

Und au mit'eme Jupiter 8 chasch sounde - muesch eifach zerscht emol usefinde, wie me so eine ins Gsamtsystem cha integriere. Nid ganz eifach. Goht aber sicher - muesch eifach gnueg Zyt und Freud an elektronische Baschteleie mitbringe oder vill Gäld für e Umbau usgä.
Wo isch s Problem?

Gäld und Zyt.
Muesch huere vill investiere für wenig Ergäbnis.
Das isch kei Problem und chasch jo au z'fride si mit'em Grät, ohni das jemals sinnvoll chöne igsetzt z'ha. Aber für was het me's denn? Eifach well's toll isch, e Jupiter 8 z'ha?

Mit däm Equipment machsch Dr's Läbe eifach extrem schwer. Chasch das notüerlich als Herusforderig aluege. Tatsach isch doch aber ebbe: es het bishär nüt drbi usegluegt. Aber offesichtlich isch no niemr uf d'Idee cho, dass es villicht am Equipment liggt. Bi dere Zämmestellig hätt ich au nie Zyt zum sounde. Goht jo Ewigkeite bis me öbbis gmacht het. Also stoht's Züg umme. Aber es liggt an dr fählende Zyt und nid an de Grät