Wer schraubt und produziert hier eigentlich?

t-orbital · Beitrag von **t-orbital** » Mo 12. Jan 2009, 12:40

Niemand aktiv am produzieren? Also das hier einige eine TB303 haben (andrej du sack) ist mir bewusst, aber sonst?

wer hat was für geräte bei sich?

Könnten doch mal ne live-session machen!

Kov · Beitrag von **Kov** » Mo 12. Jan 2009, 12:45

Ha mit mim Gitarrischt zäme ne halbi Tonne nEquipment. Mr chömed äfach nö tezue, wäg te handgschpillte Musig.

t-orbital · Beitrag von **t-orbital** » Mo 12. Jan 2009, 12:46

was dänn so?
500kg kabel oder was?

Kov · Beitrag von **Kov** » Mo 12. Jan 2009, 13:50

t-orbital hat geschrieben:was dänn so?
500kg kabel oder was?

Säb sichr *gg*.

- Jupiter 6
- Döpfer A100
- Novation Drum Station
- Irgnd en 303-Kloon
- Raven

Un zusch no Waar. Chume da nözzo druus, de Gitarischt schda de Scheff.

Lowpass · Beitrag von **Lowpass** » Mo 12. Jan 2009, 15:34

Sältsams Equipment. Chuum bruuchbars High End Profi-Tontechniker-Equipment für Soundfrickler mit sehr, sehr vill Zyt und Geduld (A100) goht Hand in Hand mit Masseware-Dance-Mainstream (Raven) und'eme billige Emulator wo scho lang durch Software ersetzt worde isch (Drum Station).

Kei Wunder findet Ihr kei Zyt zum die Dinger isetze: au mit sehr vill Zyt wird's schwirig.

Äntwäder sich dr Chopf zerbräche über Dutzendi vo Käbeli oder sich über billigi Presets und Mangelndi Modulationsmöglichkeite ufrege.

Dr Jupiter 8 tönt zwar glaub no guet... aber het dä MIDI?

Was mi eigenes Equipment betrifft isch notüerlich alles Top Secret.

Mues niemr wüsse, wohär mini Sounds chömme.

Kov · Beitrag von **Kov** » Mo 12. Jan 2009, 16:01

Chuum bruuchbars High End Profi-Tontechniker-Equipment für Soundfrickler mit sehr, sehr vill Zyt und Geduld (A100)

Wänn Tuu nö pfähig pisch demit öppis aazfange, heisst tas na lang nöd das chuum bruuchpaar isch.

Kei Wunder findet Ihr kei Zyt zum die Dinger isetze: au mit sehr vill Zyt wird's schwirig.

Es liit da draa dasmr no anderi Musig mached wo wichtigr isch. Hani gschribe. Musch läse.

Äntwäder sich dr Chopf zerbräche über Dutzendi vo Käbeli

Wämmr ckä Idee hätt, dänn chunz esoo, ja.

Was mi eigenes Equipment betrifft isch notüerlich alles Top Secret. Mues niemr wüsse, wohär mini Sounds chömme.

Wüüri ä schriibe wäni en Internetfake wäär.

vakuum · Beitrag von **vakuum** » Mo 12. Jan 2009, 16:17

Lowpass hat geschrieben:Mues niemr wüsse, wohär mini Sounds chömme.

zerscht müessts au mal gee odr?
und nid nur gheim bi dier i de schublade... loool

Kov · Beitrag von **Kov** » Mo 12. Jan 2009, 18:07

vakuum hat geschrieben: zerscht müessts au mal gee odr?

Untänn muses äno öppis tauge. Susch wozz ee niemr chlaue.

Lowpass · Beitrag von **Lowpass** » Di 13. Jan 2009, 12:47

Kov hat geschrieben:
Chuum bruuchbars High End Profi-Tontechniker-Equipment für Soundfrickler mit sehr, sehr vill Zyt und Geduld (A100)
Wänn Tuu nö pfähig pisch demit öppis aazfange, heisst tas na lang nöd das chuum bruuchpaar isch.

Jaja. blabla. Cha mr schlächt vorstelle, dass Du vo dr Verkablig vo Synthesizer-Modul so vill mehr Ahnig hesch. Das würd mi sehr, sehr verwundere.

Äntwäder sich dr Chopf zerbräche über Dutzendi vo Käbeli
Wämmr ckä Idee hätt, dänn chunz esoo, ja.

Nommol: jaja. blabla

Weisch, kov. I kenn eifach scho z'vill Lütt, wo sich mit'em Equipment überno hän. Z'vill Lütt, wo gmeint hän si müese z'ultimative System ha - äntwäder 100% analog oder denn ebbe grad modular. E Modular-System isch für öbber wo will Musik produziere in 99% vo allne Fäll e absolute Overkill und Du muesch mr jetzt do nid gross welle verzelle, dass de das Ding so im Griff hesch, dass de's effiziänt chönntisch isetze. Wie speicherisch eigentlich Dini während Stunde um Stunde vo Fiinarbeit erstellte Sounds? Verzell mr das emol.

Dr Räscht vom Equipment erweckt bi mir eifach nid dr Idruck, als hätti dr Chäufer wirkli Ahnig kha. Chasch mr verzelle was de willsch - die Lischte spricht für sich.

Wär au nur 1 Franke für e Raven usgitt cha nid wirkli guet bscheid wüsse. Und e Drum Station... naja... vor 10 Joor het das notüerlich Sinn gmacht. Allerdings e chli unverständlich, dass me das nid denn verchauft het, wo me wenigschtens no e bitz öbbis drfür kriegt het. Und e Jupiter 8 isch zwar nätt und schön - aber eifach saumässig unpraktisch wäge de fählende Aschlüss. Widr so e Teil wo eigentlich guet isch, sich aber eifach nid effiziänt isetze losst. Liebhaber-Objekt für Sammler. Aber sicher nid für öbber wo ärnschthaft will sounde.

Du bisch und blibsch eifach e Rise-Schnuri.

Und was mini Eigeproduktione betrifft, so dörfet Ihr Euch gärn witer drüber luschtig mache. Ich wird mi sicher nid oute.

t-orbital · Beitrag von **t-orbital** » Di 13. Jan 2009, 12:56

kov het ja au nie gseit, dass er aktiv musig mit dene grät maht, nur das er sie het.

aber würd mi ja trotzdem wunder neh was du für musig machsch (jetzt nöd ironisch gmeint)

ganz im ernst vom ursprungsgedanke vo dem thread...

Lowpass · Beitrag von **Lowpass** » Di 13. Jan 2009, 13:01

I würd sage ich mach Chill Out und modärni Clubmusik.

Lowpass · Beitrag von **Lowpass** » Di 13. Jan 2009, 13:02

Kov hat geschrieben:
vakuum hat geschrieben: zerscht müessts au mal gee odr?
Untänn muses äno öppis tauge. Susch wozz ee niemr chlaue.

Tralala-Trance isch es nid - also für Di eh uninteressant.

Kov · Beitrag von **Kov** » Di 13. Jan 2009, 14:05

Lowpass hat geschrieben:
Du bisch und blibsch eifach e Rise-Schnuri.

De grööschti Schnuri da ine bisch du und en Hoseschiisr no dezue. Vrschtecksch ti hindereme Nickname, erfindisch irgend e suppr Produzänte-nExischtänz, liferisch ckän einzige Bewiis defüür und proleetisch äfach ächi ume will nüüt musch befüürchte. Ckännti ja niemr.

Tralala-Trance isch es nid - also für Di eh uninteressant.

Ganz im Gägeteil. Wänn öppr da ine Tralala scheisse fint, bin iich das. Bring die Waar. Wänn's öppis taugt bini de eerscht wo mini Meinig revidiert.

vakuum · Beitrag von **vakuum** » Di 13. Jan 2009, 14:22

looool 140 Nachrichte häd de Lowpass da inne gschribe?? chan mi garnid erinnere je scho mal sone stuss gläse zhaa....

und für das kennt er de kov sehr schlächt... was sind denn das alles für Behauptige ?? haha loool

ich glaube de Lowpass chan nur schriibä und nid läse....

Kov · Beitrag von **Kov** » Di 13. Jan 2009, 14:25

vakuum hat geschrieben:looool 140 Nachrichte häd de Lowpass da inne gschribe?? chan mi garnid erinnere je scho mal sone stuss gläse zhaa....

und für das kennt er de kov sehr schlächt... was sind denn das alles für Behauptige ?? haha loool

ich glaube de Lowpass chan nur schriibä und nid läse....

Nume Stuss schriibt r nööd. Bin eitli bi mänge Sache neinig mitm.