30.06.07 - We Are Moving Festival - Hunter Volketswil?

Aran · Beitrag von **Aran** » Do 28. Jun 2007, 21:57

i währ au für e früeneri besammlig.
so 22.00Uhr denn vielicht film bis am 24.00Uhr
und denn aber scho no bitz sounde bis vielicht am 3 oder so und denn übere..
oder aber au grad vo 22.00 a sounde (wär sogar no besser

)

rucki · Beitrag von **rucki** » Fr 29. Jun 2007, 00:29

Muessi eu enttüsche. Mich bringet kei 10 Ross vorem 6i is Hunters. Schliesslich wotti de Kov go lose, und dänn hät sichs. Höchstens no die 2 voredra. Weiss aber nüme wies heissed.

Drum wäri Träffpunkt 3. Müend halt am Abig am 6i es rächts Schnäpsli nä, und dänn is Näscht ligge. Vorher eifach de Wecker stelle.

Ich wott am Sunntig Morge no uf de See go Böötle. Und vo dem her chan mers nüd leischte, die ganz Nacht wach z'si. Am Nammitag wirds gemäss Wätterbricht schliesslich wieder wüescht.

vakuum · Beitrag von **vakuum** » Fr 29. Jun 2007, 00:38

Infinity303 · Beitrag von **Infinity303** » Fr 29. Jun 2007, 09:06

rucki hat geschrieben:Muessi eu enttüsche. Mich bringet kei 10 Ross vorem 6i is Hunters. Schliesslich wotti de Kov go lose, und dänn hät sichs. Höchstens no die 2 voredra. Weiss aber nüme wies heissed.

Drum wäri Träffpunkt 3. Müend halt am Abig am 6i es rächts Schnäpsli nä, und dänn is Näscht ligge. Vorher eifach de Wecker stelle.

Ich wott am Sunntig Morge no uf de See go Böötle. Und vo dem her chan mers nüd leischte, die ganz Nacht wach z'si. Am Nammitag wirds gemäss Wätterbricht schliesslich wieder wüescht.

Wie verlässlich sind scho Wätterbricht?

Mir isches egal, ob mer ersch am sächsi is Hunters gönt, wär da sogar au defür. Aber ersch uf die drü use isch eifach en Unziit. Was isch mit dir Vakuum? Gahsch au am Sunntigmorge go Böötli fahre?

Ich weiss, es isch eues Rüümli, und ihr chönt mache waser wänt, aber es wär nöd nur mega geil, sondern au no extrem nett, wänn wenigschtens eine vo eu beidne uf die zwölfi chänt cho. Wär's z.B. miis Rüümli, würi das gärn mache und sogar uf e Bootsfahrt am Sunntigmorge verzichte. Git ja gnueg anderi Glägeheite und ob's dänn am Sunntigmorgä nöd doch au scho wüescht isch, wird sich ersch no zeige müesse.

Nöd falsch verstah, sind nur Vorschläg, aber wär ich a euere Stell, würdis gern mache. Susch wär's Spielverderbe *gg*

vakuum · Beitrag von **vakuum** » Fr 29. Jun 2007, 09:40

alsoo....

mier kenned das ja nume zu guet....

1. wenn mier s rümli scho früeh ufmached denn sind spötischtens alli am 6i am pfuse, und niemert gaht me in Hunter, das isch umsoschlimmer wenn mer umeliit und en film luegt.... das kenned mer ja alles zuu gut vo eusne Parties her....
und denn hätted mier e party gmacht das weekend und nid de Hunter....

2. zerscht säged immer alli weisch wie geil und klaar mier sind debii, aber wenn mer denn mal was macht chömed schlussentlich nid mal d helfti vo de lüt...

3. han ich kää bock de ganz sunntig z verschlafe.... ich wär nämli am samschtig früeh is bett und denn uf die 5i uufgstande und in hunter, denn bini nämli de ganz tag topfit und chan nach em hunter sogar no direkt und uusgschlafe id chile.. gäl kov...

Kov · Beitrag von **Kov** » Fr 29. Jun 2007, 10:03

Es isch no Schtattfäscht z'Chloote. De Autoscooter schgad vor de Tüür *gg*.

vakuum · Beitrag von **vakuum** » Fr 29. Jun 2007, 10:34

ouuu so geil!! :p

Aran · Beitrag von **Aran** » Fr 29. Jun 2007, 10:51

het den öper e kompletts line up?
wieso mue denn de kov so huere spoht spiele

rucki · Beitrag von **rucki** » Fr 29. Jun 2007, 11:17

Kompletts Line Up wird gemäss Hunter nüd useghä.
De Kov leiht so spat uf, will er sich das gwünscht hät.

Und wäg em Warm Up:

Start am 3, mit Film und no churzi Sound Session, gäge di 6i is Hunters. Wer Luscht hät, bitte gschwind schriebe. Giht nüt me a dem z'rüttle, will de Rucki gaht def. am Sunntig Morge uf de See.

Infinity303 · Beitrag von **Infinity303** » Fr 29. Jun 2007, 11:25

vakuum hat geschrieben: 1. wenn mier s rümli scho früeh ufmached denn sind spötischtens alli am 6i am pfuse, und niemert gaht me in Hunter, das isch umsoschlimmer wenn mer umeliit und en film luegt.... das kenned mer ja alles zuu gut vo eusne Parties her....
und denn hätted mier e party gmacht das weekend und nid de Hunter....

OK, das mit em Iischlafe hät scho was, aber niemmert chan der garantiere, dass das nöd au passiert, wänn mers ersch uf die drü macht. Ich dänke vor allem au darum, wiil wahrschindli chuum öppert am Samschtigabig früeh is Bett wird gah, zum dänn am zwei ufzstah und is Ozon z'fahre. Sprich, mer muess sich dihei wach halte (wänn mer nöd weiss, wo mer susch söll ane gah), was no viel schwieriger isch, als im Ozon und schlaft vo däm her dänn aber genau so wenig, wie wänn mer eus scho am zwölfi im Ozon träffet. Usserdem, wänn mer bim Film iischlaft, wärs doch gar nöd so schlimm findi. Darum sägi au, mer träffet eus am zwölfi, mached zersch chli Sound (entweder en DJ oder susch halt ab PC), dänn lueged mer dä Film und dänn wird nomal gsoundet (zum wieder wach zwärde, falls mer bim Film luege würkli wür iischlafe). Und dänn ab is Hunters und die ein oder zwei Stündli wird mer ja wohl no durehalte.

vakuum hat geschrieben:2. zerscht säged immer alli weisch wie geil und klaar mier sind debii, aber wenn mer denn mal was macht chömed schlussentlich nid mal d helfti vo de lüt...

Au das hät scho was, aber wänn dä Aran, dä t-orbital und ich säged, mier chömet, dänn chömemer au.

vakuum hat geschrieben:3. han ich kää bock de ganz sunntig z verschlafe.... ich wär nämli am samschtig früeh is bett und denn uf die 5i uufgstande und in hunter, denn bini nämli de ganz tag topfit und chan nach em hunter sogar no direkt und uusgschlafe id chile.. gäl kov...

Die Ussag verstahni hingäge nid so ganz. Isch ja nid so, dass mer jede Sunntig verpennt. Usserdem dörfteder mit däre Istellig ja gar kei Parties meh mache.

rucki · Beitrag von **rucki** » Fr 29. Jun 2007, 11:33

Vo mir her isches erlediget. Und glaubs au vom Vakuum her. Wer Luscht hät chunnt am 3 und schriebt das da ine. Ich gange uf jedefall am Samstig früeh is Näscht. Wänn öppert am 3 is OZON chunnt, bini dete. Falls nöd, gangi gäge di 6i is Hunters.

Infinity303 · Beitrag von **Infinity303** » Fr 29. Jun 2007, 11:39

Schad...aber nä-ä, uf die drü chumi nöd, sorry.

rucki · Beitrag von **rucki** » Fr 29. Jun 2007, 11:44

Kei Problem, bin der nüd böös wäge dem

Kov · Beitrag von **Kov** » Fr 29. Jun 2007, 11:44

rucki hat geschrieben:Vo mir her isches erlediget. Und glaubs au vom Vakuum her. Wer Luscht hät chunnt am 3 und schriebt das da ine. Ich gange uf jedefall am Samstig früeh is Näscht. Wänn öppert am 3 is OZON chunnt, bini dete. Falls nöd, gangi gäge di 6i is Hunters.

Uf di Drüü schperfäckt. Vorher chönnti gar nööd.

Aran · Beitrag von **Aran** » Fr 29. Jun 2007, 11:44

do i uf de zug agwisse bi schaff is rein verbindigstechnisch gar nöd uf di 3. bin jetzt no am überlege ob i uf di 22.00 oder erscht am morge is hunter söll.. oder sogar ganz dihai bliebe... mol luege