Was bruchts für am Rhii

[t-orbital]

ich bin jedoch immer ein fan von guten langen sets, den ein haufen kurzer ,-)

ich auch!!!

[Infinity303]

Holz und Azündmittel: no offe

Würs au Holzchole tue? Wänn ja, wür ich susch das und sAzündmittel bringe.

[vakuum]

de Orca wott kei Trance me uflegge, und e HC Party wämmer nid mache det....

und suscht sinds die 4 DJs.... sötti scho lange....


zum Holz, han was organisiere chönne.... aber @INFINITY isch vilicht gar kei schlächti Idee no mit de Holzchole, eifach zum Grilliere?? das weiss de Rucki öbs es bringt..

RUCKI????

[Kov]

Wänn musi eigetli aatanze?

[vakuum]

es neus Problem hämmer jetzt aber no:

Problem Stromgenerator, mier händ geschter Tests gmacht mit chline 2kW Billiggrät und die sind für Audiogrät sozsäge nid bruchbar da d Spannigsschwankige z gross sind, de wo mer d Soundalag zur verfüegig stellt hed neu au gmeint er wäll nid dass die a so Grät laufed... hmmmm


jetzt simmer uf de suechi nach was stabilerem grösserem ab 5kW.... weiss öper was??

[Kov]

jetzt simmer uf de suechi nach was stabilerem grösserem ab 5kW.... weiss öper was??

Es Müliraad mit eme Geni draa und dann de Rii la mache. Wäär sogaar no öko

[Seven]

Süsch nemi au no es paar Platte met, för so ca. en Stund oder so?

Vakuum: Kei Batterie oder ergend es grosses C zum stabilisiere?

[vakuum]

hehe KOV.. jaaaa das wärs doch...

@ Seven....

nume e Stund uuflegge? chasch nid chli länger?? wil ier ja nume 4 DJs sind?

Batterie oder C isch ebe no schwirig bi AC...

[t-orbital]

die frage ist auch von wann bis wann richtig gesoundet werden kann.

Start= wenn es dunkel ist, keine leute mehr stören =x.xxUhr?
Ende= wenn es taget und die Spaziergängerschaft wieder auftaucht=y.yyUhr?

y.yyUhr-x.xxUhr= z.zz Stunden

ich tippe da mal auf so 8stunden, Ihr?

[Seven]

Ehm jo Batterie chönt schwirig si, hani äuä gschrebe ohni z studiere
Hm da metem C werd wahrschinli ou ned ganz eifach... En UPS wär kei Seich...

Ok anderhalb Stund giengt ou no, chume die Woche eifach ned gross zum Vorbereite... Aber ok.

edit:
[klugscheiss] Also im torbi sini mathematisch Bezeichnig hinkt no es Bitz aber isch halb so wild [/klugscheiss]

[t-orbital]

was? das sind variable, was isch dra falsch?

[Seven]

Naja isch ned ganz so ernscht gmeint gsi... Wenn Du aber seisch x.xx Uhr, denn cha das sträng gno nume 1.11 Uhr, oder 2.22 Uhr, oder 3.33 Uhr etc. si. Verstohsch?

[t-orbital]

aha so ja, isch vo dem her nöd ganz falsch,git eifach weniger lösige und für e korrekti glichig müessti eifach meh variable setzte

aber ebe isch ja wurscht!

aber bi 8h und 5 dj`s git das 96min pro chopf

[vakuum]

ich glaube mier müend chli frei sii bi dere DJ Sach... eifach drufloos.. da klapped sicher??!

[t-orbital]

ja das chunt scho guet aber ebe, meh dj bruchts ja i demsinn vo dem her nöd...