han das gfunde
also lüt, dos momentan z viel rememberpartys hend, söttet mir wieder vermehrt neues züg lose
Tag zäme
E wott niemerem z'nöch träte oder so. aber minere meinig noch gets im moment z'vöu Remember-Parties ond -DJs.
Ab ond zue eschs ke seich so ne remember-nacht. aber wiso chame fascht nor no a parties go wo söttigi musig louft?
e weiss dass es för djs belliger esch alti platte vöreznä, anstatt nöis s'choufe, aber was esch so schlemm dra chli gäud z'investiere i öppis wome gärn macht. ond vor auem i ne trance-szene z'investiere, wo vorschrettlech esch, wo öppis bietet. lueget doch mou d'uk a. djs wie above & beyond, gareth emery, armin van buuren, ... si a dr tagesornig i jedem trance club. i der schwiz hockt me emmer no ufem energy, noise, ... ome. progressivi musig het kei chance i der schwiz. aber progressiv esch zuekonft. met progressiv meini ned nor die längwilige tracks wo töne wie house, sondern trance, wo met de nöiste möglechkeite vo der elektronik gmacht werd, trance, wo ned hockeblebe esch im 1998.
met remember trance goht d'szene i der schwiz kapott. es lohnt sech gar nömm z'produziere, nöii sach usez'brenge. ond plötzlech werds de hörer längwilig ond aues esch kapott. house gwönnt (oder elektro oder das komische züg), trance verlürt, wöus d'gegewart verpennt het.
bitte lüt. loset, was uf der wäut aues för musig get. loset internationau, loset vortschrettlech. töut ned so bönzlischwizerisch, huere siech. der werdet gse, clubs müesse reagiere ond müesst de luege, was för djs as i der schwiz werde uflegge.
gruess
dave